കോഴിക്കോട്: രണ്ട് പതിറ്റാണ്ടു കാലം നന്തി ജാമിഅ ദാറുസ്സലാമിന്റെ പ്രിന്‍സിപ്പലും വിശ്വവിഖ്യാത പണ്ഡിതനുമായിരുന്ന ശംസുല്‍ ഉലമാ ഇ.കെ അബൂബക്കര്‍ മുസ്‌ലിയാരുടെ സ്മരണാര്‍ഥം ദാറുസ്സലാം അറബിക് കോളജ് കമ്മിറ്റി ഏര്‍പ്പെടുത്തിയ ശംസുല്‍ ഉലമാ അവാര്‍ഡിന് സയ്യിദ് ഹൈദരലി ശിഹാബ് തങ്ങള്‍ അര്‍ഹനായി. സമുദായ സേവനത്തിലും പാണ്ഡിത്യത്തിലും ഉന്നതരായ വ്യക്തിത്വങ്ങള്‍ക്കാണ് അവാര്‍ഡ് നല്‍കുന്നത്.
പതിനായിരത്തൊന്ന് രൂപയും പ്രശസ്തി പത്രവും അടങ്ങിയ അവാര്‍ഡ് ഏപ്രില്‍ 18ന് നടക്കുന്ന ജാമിഅ ദാറുസ്സലാമിന്റെ 43ാം വാര്‍ഷിക 14ാം സനദ് ദാന സമ്മേളനത്തില്‍വച്ച് സമസ്ത പ്രസിഡന്റ് സയ്യിദ് മുഹമ്മദ് ജിഫ്്‌രി മുത്തുക്കോയ തങ്ങള്‍ സമ്മാനിക്കും.
ദിവംഗതരായ പാണക്കാട് മുഹമ്മദലി ശിഹാബ് തങ്ങള്‍, ചെറുശ്ശേരി സൈനുദ്ദീന്‍ മുസ്‌ലിയാര്‍, കെ.വി മുഹമ്മദ് മുസ്‌ലിയാര്‍ കൂറ്റനാട് എന്നിവര്‍ ശംസുല്‍ ഉലമാ അവാര്‍ഡ് ജേതാക്കളില്‍ പ്രമുഖരാണ്.