സ്വന്തം ലേഖകര്‍

കൊവിഡ് ബാധിച്ച് സഊദി അറേബ്യയില്‍ രണ്ടു മലയാളികള്‍ കൂടി മരിച്ചു. 

വയനാട്, തൃശൂര്‍ എടത്തിരുത്തി സ്വദേശികളാണു മരിച്ചത്. വയനാട് കോറോത്തെ കോരന്‍കുന്നന്‍ അബ്ദുല്ല ഹാജിയുടെയും ആസ്യയുടെയും മകന്‍ നൗഫല്‍ (36), എടത്തിരുത്തി സിറാജ് നഗറില്‍ താമസിക്കുന്ന മേലറ്റത്ത് അഹമ്മുവിന്റെ മകന്‍ അന്‍വര്‍ (48) എന്നിവരാണു മരിച്ചത്.  സഊദിയിലെ വാദിദവാസില്‍ ബക്കാലയില്‍ ജോലി ചെയ്യുകയായിരുന്നു നൗഫല്‍. ഭാര്യ: റെജീന. മകള്‍: റൈന ഫാത്തിമ. സഹോദരങ്ങള്‍: നൗഷാദ്, നഫീദ, നാഫിദ്. സൗദിയില്‍ ഡ്രൈവറായി ജോലി ചെയ്തു വരികയായിരുന്ന അന്‍വര്‍ നാലു ദിവസമായി അബഹയിലുള്ള ഹസീര്‍ ഹോസ്പിറ്റലില്‍ ചികിത്സയിലായിരുന്നു. ഭാര്യ: ലിജിന. മക്കള്‍: ഇര്‍ഫാന തസ്‌നീം, മിന്‍ഹ് തസ്‌നീം.