തളിപ്പറമ്പ് : പോസ്‌റ്റോഫിസിനു മുന്‍വശത്തെ റോഡരികിലെ മരക്കൊമ്പുകളും ചപ്പുചവറുകളും മൂത്തേടത്ത് ഹൈസ്‌കൂള്‍ എന്‍.എസ്.എസ്. വിദ്യാര്‍ഥികള്‍ നീക്കംചെയ്തു. വൈദ്യുതി കമ്പികള്‍ക്കു മേലെ ചാഞ്ഞുനില്‍ക്കുന്ന മരക്കൊമ്പുകള്‍ കെ.എസ്.ഇ.ബി തൊഴിലാളികള്‍ മുറിച്ച് റോഡിലും നടവഴിയിലുമായി ഇട്ടതോടെ ഇതുവഴിയുള്ള കാല്‍നടയാത്രയും വാഹന പാര്‍ക്കിങും ബുദ്ധിമുട്ടിലായിരുന്നു. സമീപത്തെ കടക്കാരും മറ്റും നഗരസഭയില്‍ പരാതി പറഞ്ഞെങ്കിലും ഫലമൊന്നുമുണ്ടാകാത്തതിനെത്തുടര്‍ന്നാണ് വിദ്യാര്‍ഥികള്‍ രംഗത്തിറങ്ങിയത്. റോഡ് ശുചീകരിച്ചതോടെ കാല്‍നടയാത്രയും വാഹന പാര്‍ക്കിങും പഴയതുപോലെ സുഗമമായി മാറി.