മാഡ്രിഡ് (സ്‌പെയിന്‍): സൈക്ലിങിനിടെ അര്‍ജന്റീന ദേശീയ ഫുട്‌ബോള്‍ ടീം പരിശീലകന്‍ ലയണല്‍ സ്‌കലോനിക്ക് (40) പരുക്ക്.ഇന്നലെ രാവിലെ സൈക്ലിങ് നടത്തുന്നതിനിടെ കാര്‍ ഇടിച്ചാണ് സ്‌കലോനിക്ക് പരുക്കേറ്റത്. മുഖത്തും ദേഹത്തും നിരവധി പരുക്കുകളുണ്ട്. ആശുപത്രിയില്‍ പ്രവേശിപ്പിച്ച സ്‌കലോനിയെ പ്രാഥമിക ചികിത്സക്ക് ശേഷം വിട്ടയച്ചു. കഴിഞ്ഞ ഓഗസ്റ്റിലാണ് സ്‌കലോനിയെ അര്‍ജന്റീന ടീമിന്റെ പരിശീലകനായി നിയമിച്ചത്. നേരത്തേ സഹപരിശീലകനായും സ്‌കലോനി പ്രവര്‍ത്തിച്ചിട്ടുണ്ട്. വെസ്റ്റ് ഹാമിനായും കളിച്ചിട്ടുണ്ട്.