കിളിമാനൂര്‍: അനധികൃതമായി കടത്തിക്കൊണ്ടു വന്ന പതിനാറ് ചാക്ക് ബീഡിയും കടത്താന്‍ ഉപയോഗിച്ച രണ്ടു കാറും  രണ്ടു പേരെയും കിളിമാനൂര്‍ എക്‌സൈസ് സംഘം പിടികൂടി. നേമം സ്വദേശി ശ്രീകുമാര്‍(38),ശ്രീകണ്ടേശ്വരം സ്വദേശി ശിവന്‍ (48) എന്നിവരാണ് ബീഡി കടത്തിയത്.
തമിഴ്‌നാട്ടില്‍ നിന്നുള്ള ബീഡി  തിരുവനന്തപുരത്ത് നിന്നും ആലപ്പുഴ ഭാഗത്തേക്ക് കൊണ്ട് പോവുകയായിരുന്നു. സെയില്‍ ടാക്‌സ് വകുപ്പ് ഇവരില്‍ നിന്നും 1.60 ലക്ഷം  രൂപ പിഴ ഈടാക്കി. കിളിമാനൂര്‍ എക്‌സൈസ് ഇന്‍സ്‌പെക്ടര്‍ ഡി.ആര്‍.സുനില്‍ കുമാറിന്റെ നേതൃത്വത്തില്‍ സംസ്ഥാന പാതയില്‍ നടത്തിയ പരിശോധനയിലാണ് ബീഡി പിടിച്ചെടുത്തത്.