കാട്ടാക്കട: യു.ഡി.എഫ് സാരഥി അടൂര്‍ പ്രകാശിനെ നെഞ്ചോട് ചേര്‍ത്ത് കാട്ടാക്കട. പര്യടനത്തില്‍ വന്‍ ജനപങ്കാളിത്തം. കാട്ടാക്കട നിയോജക മണ്ഡലത്തിലെ മാറനല്ലൂര്‍ പഞ്ചായത്തിന്റെയും കാട്ടാക്കട പഞ്ചായത്തിന്റെയും അതിര്‍ത്തി പങ്കിടുന്ന കൊറ്റംപള്ളിയില്‍നിന്നും മുന്‍ സ്പീക്കര്‍ എന്‍. ശക്തന്‍ ഉദ്ഘാടനം ചെയ്തു തുടങ്ങിയ പര്യടനം എല്ലാ കേന്ദ്രങ്ങളിലും സ്ഥാനാര്‍ഥിക്ക് വന്‍വരേല്‍പ്പായിരുന്നു.
കാട്ടാക്കട, മാറനല്ലൂര്‍, പളളിച്ചല്‍ പഞ്ചായത്തുകളിലെ വിവിധ സ്ഥലങ്ങളിലൂടെ വോട്ടഭ്യര്‍ഥിച്ചു എത്തുന്ന സ്ഥാനാര്‍ഥിയെ അഭിവാദ്യം ചെയ്യാനും പുഷ്പഹാരവും ശാളുകള്‍ അണിയിക്കാനും ഓരോ കേന്ദ്രങ്ങളിലും റോഡിനിരുവശവും ഉള്‍പ്പടെ തിരക്കായിരുന്നു .
വെളിയംകോട്, കുന്നില്‍, വണ്ടന്നൂര്‍, റസ്സല്‍പുരം, മുടവൂര്‍പ്പാറ തുടങ്ങിയ 60 കേന്ദ്രങ്ങളിലെ സ്വീകരണം ഏറ്റുവാങ്ങി അമ്മാനൂര്‍ക്കോണത്ത് സമാപിച്ച പര്യടനത്തില്‍ വര്‍ക്കല കഹാര്‍, ബി.എന്‍ ശ്യാംകുമാര്‍, എം. മണികണ്ഠന്‍, വണ്ടന്നൂര്‍ സന്തോഷ്, എ.ബാബു കുമാര്‍, മലയിന്‍കീഴ് വേണുഗോപാല്‍, എം.ആര്‍ബൈജു, ശോഭനകുമാരി, ആര്‍.ആര്‍ സജയ് കുമാര്‍, രാധാകൃഷ്ണന്‍ നായര്‍, രമ, രമ കുമാരി എന്നിവരും അനുഗമിച്ചു.