മേപ്പാടി: യു.ഡി.എഫ് സ്ഥാനാര്‍ഥി രാഹുല്‍ഗാന്ധിയുടെ പ്രചാരണാര്‍ഥം കടച്ചിക്കുന്ന് സ്വദേശികളായ നാല് യുവാക്കള്‍ വേറിട്ട രീതിയില്‍ പ്രചാരണം നടത്തി.
ഗുഡ്‌സ് ഓട്ടോയില്‍ വയനാട് പാര്‍ലമെന്റ് മണ്ഡലത്തിലാകെ മൈക്ക് അനോണ്‍സ്‌മെന്റ് നടത്തിയും പ്രചാരണ ഗാനങ്ങള്‍ സംപ്രേഷണം ചെയ്തുമായിരുന്നു യുവാക്കളുടെ പ്രചാരണം.
ലീഗ് കടച്ചിക്കുന്ന് ശാഖ പ്രവര്‍ത്തകരായ യൂസഫ് നടുത്തൊടി, അഷ്‌റഫ് ഉള്ളിവീട്ടില്‍, ലത്തീഫ് തലേക്കുന്ന്, കബീര്‍ എന്നിവരാണ് സ്വന്തം ചെലവില്‍ വയനാട് മണ്ഡലത്തില്‍ ആകെ രാഹുല്‍ ഗാന്ധിക്കായി പ്രചാരണം സംഘടിപ്പിച്ചത്.
ഇരുപതിനായിരം രൂപയോളം ചിലവഴിച്ച് 200 കിലോമീറ്ററോളം ദൂരം സഞ്ചരിച്ചായിരുന്നു പ്രചാരണം. നാലു ലക്ഷത്തില്‍ കൂടുതല്‍ വോട്ടിന് ഭൂരിപക്ഷത്തിന് രാഹുല്‍ഗാന്ധി വിജയിക്കുമെന്നാണ് ഇവര്‍ പറയുന്നത്.