പരപ്പനങ്ങാടി: കോടതിയിലെ ഫയലുകള്‍ക്കിടയില്‍ പാമ്പിനെ കണ്ടത് ജീവനക്കാരെ ഭീതിയിലാഴ്ത്തി. പരപ്പനങ്ങാടി മജിസ്‌ട്രേറ്റ് കോടതിയിലാണ് കേസുകളുമായി ബന്ധപ്പെട്ട ഫയല്‍ പരതുന്നതിനിടയില്‍ ഫയലുകള്‍ക്കിടയിലൂടെ ഇഴയുന്ന വിഷപ്പാമ്പിനെ കണ്ടത്.
കോടതി നടപടികള്‍ തുടരുന്നതിനിടയില്‍ പാമ്പ് പ്രത്യക്ഷപ്പെട്ടതിനാല്‍ ഏറെ നേരം പരിഭ്രാന്തി സൃഷ്ടിച്ചു.
ഇതിനെ പിടികൂടാനായി പാമ്പ് പിടിത്തക്കാരെ അന്വേഷിച്ചെങ്കിലും ലഭ്യമായില്ല. പിന്നീട് പൊലിസെത്തി പാമ്പിനെ തല്ലിക്കൊന്നു.