കൊളത്തൂര്‍: വെള്ളമില്ലാതെ ക്ഷേത്ര പുനര്‍നിര്‍മാണം ബുദ്ധിമുട്ടിലായപ്പോള്‍ വെള്ളമെത്തിച്ച് നല്‍കി ചന്തപ്പടി ബ്ലൂമൂണ്‍ ആര്‍ട്‌സ് ആന്‍ഡ് സ്‌പോട്‌സ് ക്ലബ്  പ്രവര്‍ത്തകരുടെ മാതൃക. ആദ്യഘട്ടമായി കഴിഞ്ഞ  ദിവസം ലോറിയില്‍ 6000 ലിറ്ററോളം വെള്ളം എത്തിച്ചു നല്‍കി.
ക്ഷേത്ര നിര്‍മാണ പ്രവര്‍ത്തനങ്ങള്‍ക്ക് വേണ്ട മുഴുവന്‍ വെള്ളവും യുവ കൂട്ടായ്മ നല്‍കുമെന്ന് ക്ലബ് ഭാരവാഹികള്‍ അറിയിച്ചു. ക്ലബ് പ്രസിഡന്റ് പി.പി ഗഫൂര്‍, സെക്രട്ടറി ടി. അന്‍വര്‍, ഹാഷിം തങ്ങള്‍, അജ്മല്‍, അഫ്‌സല്‍, ശഫീഖ് നേതൃത്വം നല്‍കി.