കണ്ണൂര്‍: ആഫ്രിക്കന്‍ ഒച്ച് ഭീതിയില്‍ കക്കാട്, ശാദുലിപ്പള്ളി പ്രദേശങ്ങള്‍. തെങ്ങ്, വാഴ ഉള്‍പ്പെടെയുള്ള കാര്‍ഷിക വിളകളുടെ തളിര്‍ നശിപ്പിച്ചു തുടങ്ങിയതോടെ ജനങ്ങള്‍ ആരോഗ്യവകുപ്പിനെ സമീപിച്ചിരിക്കുകയാണ്.
ഉഷ്ണമേഖലാ പ്രദേശങ്ങളിലും കാണപ്പെടുന്ന ആഫ്രിക്കന്‍ ഒച്ചിന്റെ ശല്യമാണു പ്രദേശത്തും രൂക്ഷമായത്. ഇവ വിവിധ സസ്യങ്ങളുടെ ഏതുഭാഗവും കടിച്ചു വിഴുങ്ങുകയാണെന്നു നാട്ടുകാര്‍ പരാതിപ്പെടുന്നു. മണല്‍, കോണ്‍ക്രീറ്റ് വരെ ഇവ ഭക്ഷിക്കാറുണ്ട്. ഇവയുടെ ആക്രമണം കാരണം വീട്ടുമുറ്റത്തെ ചെടികളടക്കം നശിക്കപ്പെടുകയാണ്. നിലനില്‍പിനു കാല്‍സ്യം അനിവാര്യമായതിനാല്‍ മേഖലയിലെ വീടുകള്‍ക്കു കുമ്മായം പൂശിയ ഭിത്തികള്‍ക്കടുത്തും ഇവയുടെ സാന്നിധ്യമുണ്ടെന്നു പൊതുപ്രവര്‍ത്തകനായ ശാദുലിപ്പള്ളിയിലെ എം.കെ ഉബൈദ് പറഞ്ഞു.