പയ്യാവൂര്‍: വ്യാപാരി വ്യവസായി ഏകോപന സമിതി പയ്യാവൂര്‍ യൂനിറ്റ് കമ്മിറ്റി നിര്‍മിച്ച വ്യാപാര ഭവന്റെയും ഓഡിറ്റോറിയത്തിന്റെയും ഉദ്ഘാടനം നാളെ രാവിലെ 10ന് സംസ്ഥാന പ്രസിഡന്റ് ടി. നസിറുദ്ദീന്‍ ഉദ്ഘാടനം ചെയ്യും. ജില്ലാ പ്രസിഡന്റ് ദേവസ്യ മേച്ചേരി അധ്യക്ഷനാവും.
ഓഡിറ്റോറിയം കെ.സി ജോസഫ് എം.എല്‍.എയും എക്‌സിക്യൂട്ടീവ് ഹാള്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷും സെക്രട്ടറിയേറ്റ് ഹാള്‍ പയ്യാവൂര്‍ പഞ്ചായത്ത് പ്രസിഡന്റ് ഡെയ്‌സി ചിറ്റൂപ്പറമ്പിലും ഓഫിസ് കെട്ടിടം പി ബാഷിതും ഉദ്ഘാടനം ചെയ്യും. ജില്ലാ പഞ്ചായത്തംഗം ജോയി കൊന്നയ്ക്കല്‍ ഉപഹാര സമര്‍പ്പണം നടത്തും. ജീവകാരുണ്യ ഫണ്ടില്‍ നിന്നുള്ള ചികിത്സാ സഹായം പയ്യാവൂര്‍ പഞ്ചായത്ത് വൈസ് പ്രസിഡന്റ് ടി.പി അഷ്‌റഫും ജില്ലാ ക്ഷേമ പദ്ധതിയില്‍ നിന്നുള്ള ചികിത്സാ സഹായം പഞ്ചായത്തംഗം ജോയി ജോസഫും വിതരണം ചെയ്യും.
50 വര്‍ഷം പിന്നിട്ട വ്യാപാരികളെയും വിവധ മേഖലിയുള്ളവരെയും ആദരിക്കും. രാത്രി ഏഴിന് ജീവകാരുണ്യ ഫണ്ട് ശേഖരണാര്‍ഥം പയ്യാവൂര്‍ പഞ്ചായത്ത് മിനി ഓഡിറ്റോറിയത്തില്‍ ഗോപിനാഥ് മുതുകാടും സംഘവും അവതരിപ്പിക്കുന്ന 'മാജിക് ഷോ' അരങ്ങേറും.