കണ്ണൂര്‍:  ചേംബര്‍ കെട്ടിടത്തിന്റെ വാട്ടര്‍ടാങ്ക് തകര്‍ന്നുവീണുണ്ടായ അപകടത്തില്‍ മാത്യുവിനു ജീവന്‍ തിരിച്ചുകിട്ടിയതു തലനാരിഴയ്ക്ക്. ഇരിട്ടി വള്ളിത്തോട് സ്വദേശിയായ ടി.ടി മാത്യു ഭാര്യയെ അപകടമുണ്ടായ കെട്ടിടത്തിനു സമീപത്തെ ക്ലിനിക്കില്‍ കാണിക്കുന്നതിന് എത്തിയതായിരുന്നു. ഏറെനേരം ക്യൂവില്‍ നിന്നു മുഷിഞ്ഞതിനാല്‍ കാറില്‍ വന്ന് വിശ്രമിക്കുന്നതിനിടെയായിരുന്നു അപകടം. എന്തോ തകരുന്ന ശബ്ദം കേട്ടപ്പോള്‍ തന്നെ അപകടമാണെന്നു കരുതിയതിനാല്‍ കാറിനുള്ളില്‍ താഴ്ന്നിരിക്കുകയായിരുന്നുവെന്നു മാത്യു പറഞ്ഞു. കാറിന്റെ പുറകിലും വശത്തും ചെങ്കല്ലുകള്‍ വീണ് തകര്‍ന്നു. ഒന്നുകൂടി പിഴച്ചിരുന്നുവെങ്കില്‍ താനും അപകടത്തിന് ഇരയാകുമായിരുന്നുവെന്നു ഞെട്ടല്‍ മാറാതെ മാത്യു പറഞ്ഞു.