പൂച്ചാക്കല്‍: മഹാരാജാസ് കോളജില്‍ രണ്ടാം വര്‍ഷ വിദ്യാര്‍ഥി അഭിമന്യു കൊല്ലപ്പെട്ട കേസില്‍ മുഖ്യപ്രതി മുഹമ്മദിന്റെ നാട്ടില്‍ പൊലിസ് റെയ്ഡ്. കേസില്‍ രണ്ട് എസ്.ഡി.പി.ഐ പ്രവര്‍ത്തകരെ കൂടി ഇന്നലെ പൊലിസ് കസ്റ്റഡിയിലെടുത്തു.
വടുതല സ്വദേശികളായ ഷാജഹാന്‍, പോപ്പുലര്‍ ഫ്രണ്ട് ആലപ്പുഴ ജില്ലാ സെക്രട്ടറി ഷിറാസ് എന്നിവരെയാണ് പിടികൂടിയത്. ഷിറാസിന്റെ വടുതല ജങ്ഷനിലെ മെഡിക്കല്‍ ലാബില്‍ രാവിലെ ആരംഭിച്ച പൊലിസ് പരിശോധന മണിക്കൂറുകള്‍ നീണ്ടു.
പ്രദേശത്തെ മുഹമ്മദിന്റെ വീട്ടിലും പൊലിസ് സംഘം ഇടക്ക് വന്നുപോകുന്നുണ്ട്. റെയ്ഡ് നടക്കുന്ന വിവരം അറിഞ്ഞു പ്രദേശത്തെ എസ്.ഡി.പി.ഐ, പോപ്പുലര്‍ ഫ്രണ്ട് പ്രവര്‍ത്തകരും നാട്ടുകാരും സ്ഥലത്ത് തടിച്ചുകൂടി.