മുക്കം: ശക്തമായ കാലവര്‍ഷത്തെ തുടര്‍ന്ന് പുഴയോരം ഇടിഞ്ഞ് അപകട ഭീഷണി നേരിടുന്ന പ്രദേശങ്ങളും വീടുകളും തഹസില്‍ദാര്‍ സന്ദര്‍ശിച്ചു. കൊടിയത്തൂര്‍ തെയ്യത്തുംകടവ് പ്രദേശങ്ങളില്‍ കരയിടിഞ്ഞ ഭാഗങ്ങളാണ് കോഴിക്കോട് താഹസില്‍ദാര്‍ കെ.ടി സുബ്രഹ്മണ്യന്‍ സന്ദര്‍ശിച്ചത്. വീടിന്റെ മുറ്റമടക്കം പുരയിടം ഇടിഞ്ഞ് അപകട ഭീക്ഷണി നേരിടുന്ന ചേന്ദമംഗലൂരിലെ തൃക്കയത്ത് മുഹമ്മദ് കുട്ടിയുടെ വീടും തഹസില്‍ദാര്‍ സന്ദര്‍ശിച്ചു. പൊതുപ്രവര്‍ത്തകരായ നസീം അഹമ്മദ്, മുഹമ്മദ്കുട്ടി എന്നിവരും അദ്ദേഹത്തോടൊപ്പം ഉണ്ടായിരുന്നു.