കോഴിക്കോട്: ആറു പൊലിസ് സ്റ്റേഷന്‍ പരിധിയില്‍ തീരപ്രദേശത്ത് മോക്ഡ്രില്‍ ആരംഭിച്ചു.
സാഗര്‍ കവമച് 2017 എന്ന പേരില്‍ എലത്തൂര്‍,വെള്ളയില്‍, കസബ തുടങ്ങി ആറോളം സ്‌റ്റേഷന്‍ പരിധിയിലെ തീരങ്ങളിലാണ് മോക്ഡ്രില്‍ നടക്കുന്നതെന്ന് ഡെപ്യൂട്ടി പൊലിസ് കമ്മിഷണര്‍ പി.ബി രാജീവ് അറിയിച്ചു. തീരദേശ പൊലിസ്, ലോക്കല്‍ പൊലിസ്, മറൈന്‍ എന്‍ഫോഴ്‌സ്‌മെന്റ് എന്നിവ സംയുക്തമായാണ് ഡ്രില്‍ നടത്തുന്നത്.
കള്ളക്കടത്ത്, തീവ്രവാദി ആക്രമണം തുടങ്ങി ക്രിമിനല്‍ പ്രവര്‍ത്തനങ്ങളെ എങ്ങിനെ നേരിടാം എന്നത് പ്രമേയമാക്കിയാണ് ഇന്നലെ രാവിലെ എട്ടു മണിമുതല്‍ മോക്ഡ്രില്‍ ആരംഭിച്ചിരിക്കുന്നത്.