ഡറാഡൂണ്‍: ഉത്തരാഖണ്ഡില്‍ കനത്ത മഴയിലും കാറ്റിലും ഒന്‍പതുപേര്‍ മരിച്ചു. സംസ്ഥാനത്തിന്റെ ഭൂരിഭാഗം ഭാഗങ്ങളും വെള്ളപ്പൊക്ക ഭീഷണിയിലാണ്.

കനത്ത മഴയില്‍ കാര്‍ ഒലിച്ചുപോയാണ് ആറുപേര്‍ മരിച്ചത്. മൂന്നുപേര്‍ മരിച്ചത് ഉരുള്‍പൊട്ടലിലാണ്.

ഉരുള്‍പൊട്ടലില്‍ റോഡ് ബ്ലോക്കായതു കാരണം ബദരീനാഥിലേക്കുള്ള തീര്‍ഥാടകര്‍ വഴിയില്‍ കുടുങ്ങിയിരിക്കുകയാണ്.

ഗംഗാനദി നിറഞ്ഞൊഴുകുകയാണ്. പല നദികളിലും അപകടകരമാം വിധം ജലനിരപ്പുയിര്‍ന്നിട്ടുണ്ട്.

അടുത്ത രണ്ടു ദിവസംകൂടി മഴ കനത്തുപെയ്യുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.