കോഴിക്കോട്: ലോക്‌സഭാ മണ്ഡലം എല്‍.ഡി.എഫ് സ്ഥാനാര്‍ഥി എ. പ്രദീപ്കുമാറിന്റെ തെരഞ്ഞെടുപ്പ് പ്രവര്‍ത്തനത്തിന് വന്‍തുക ചെലവഴിക്കുന്നുവെന്നും സാമ്പത്തിക സ്രോതസ് അന്വേഷിക്കണമെന്നും കാണിച്ച് യു.ഡി.എഫ് തെരഞ്ഞെടുപ്പ് കമ്മിറ്റിക്ക് പരാതി നല്‍കി.
പരിമിതമായ സാമ്പത്തിക സൗകര്യം മാത്രമാണ് നാമനിര്‍ദേശ പത്രികയില്‍ വെളിപ്പെടുത്തിയത്. അന്താരാഷ്ട്ര നിലവാരമുള്ള ഇവന്റ് മാനേജ്‌മെന്റുകളാണ് പ്രചാരണത്തിന് നേതൃത്വം നല്‍കുന്നത്. പ്രവാസികളുടെ സഹായവും തെരഞ്ഞെടുപ്പിന് ഉപയോഗിക്കുന്നു. തെരഞ്ഞെടുപ്പ് പ്രചാരണത്തിന് വരവില്‍ കവിഞ്ഞ പണം ഉപയോഗിക്കുന്നത് അന്വേഷിക്കണമെന്ന് കേന്ദ്ര തെരഞ്ഞെടുപ്പ് കമ്മിറ്റി ജനറല്‍ കണ്‍വീനര്‍ അഡ്വ. പി.എം നിയാസ് പരാതിയില്‍ പറയുന്നു.