കല്‍പ്പറ്റ: പാരമ്പര്യത്തില്‍ അധിഷ്ഠിതമായി 14 നൂറ്റാണ്ടിലേറെയായി ലോകത്ത് യഥാര്‍ഥ ഇസ്്‌ലാമിന്റെ പ്രചാരണം നടന്നു കൊണ്ടിരിക്കുന്നത് സുന്നത്ത് ജമാഅത്തിലൂടെയാണന്നും മറ്റു പുത്തന്‍ പ്രസ്ഥാനക്കാര്‍ ലോക വ്യാപകമായി സയണിസം, ജൂതായിസം തുടങ്ങി പലരുടെയും സൃഷ്ടിയാണന്നും പ്രമുഖ ഖുര്‍ആന്‍ പണ്ഡിതന്‍ റഹ്മത്തുല്ല ഖാസിമി മൂത്തേടം അഭിപ്രായപ്പെട്ടു. എസ്.വൈ.എസ് സംസ്ഥാന വ്യാപകമായി സലഫിസം വിചാരണ ചെയ്യപ്പെടുന്നു എന്ന പ്രമേയത്തില്‍ നടത്തുന്ന ആദര്‍ശ ക്യാംപയിന്റെ വയനാട് ജില്ലാതല ഉദ്ഘാടനചടങ്ങില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
ക്യാംപയിന്റെയും ഉമറലി തങ്ങള്‍ ഒന്‍പതാമത് ആണ്ട് നേര്‍ച്ചയുടെയും ഉദ്ഘാടനം മദ്‌റസ മാനേജ്‌മെന്റ് അസോസിയേഷന്‍ സംസ്ഥാന പ്രസിഡന്റ് കെ.ടി ഹംസ മുസ്്‌ലിയാര്‍ നിര്‍വഹിച്ചു. ജില്ലാ വൈസ് പ്രസിഡന്റ് ഹാരിസ് ബാഖവി കമ്പളക്കാട് അധ്യക്ഷനായി. പിണങ്ങോട് അബൂബക്കര്‍ അനുസ്മരണ പ്രഭാഷണം നടത്തി. സമസ്ത കേന്ദ്ര മുശാവറ അംഗം വി. മൂസക്കോയ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കി. എസ.് മുഹമ്മദ് ദാരിമി, എം.എം ഇമ്പിച്ചിക്കോയ മുസ്‌ലിയാര്‍, അബ്ദുസലാം ഹാജി വാണിമേല്‍, ആനമങ്ങാട് അബൂബക്കര്‍ മുസ്‌ലിയാര്‍, എം. ഹസന്‍ മുസ്്‌ലിയാര്‍, പി.സി ഇബ്‌റാഹീം ഹാജി, കെ.സി മമ്മുട്ടി മുസ്‌ലിയാര്‍, പനന്തറ മുഹമ്മദ്, ഇ.പി മുഹമ്മദലി ഹാജി, കെ.കെ.എം ഹനീഫല്‍ ഫൈസി, എം. മുഹമ്മദ് ബഷീര്‍, കുഞ്ഞമ്മദ് കൈതക്കല്‍, അബ്ദുല്‍ ഖാദര്‍ മടക്കിമല, എടപ്പാറ കുഞ്ഞമ്മദ് എന്നിവര്‍ സംസാരിച്ചു. കെ. മുഹമ്മദ് കുട്ടി ഹസനി സ്വാഗതവും കെ.എ നാസര്‍ മൗലവി നന്ദിയും പറഞ്ഞു.