തലശ്ശേരി: കൊട്ടിയൂര്‍ പീഡനക്കേസിലെ മുഖ്യപ്രതി ഫാ. റോബിന്‍ വടക്കുംചേരി വീണ്ടും ജാമ്യഹരജി നല്‍കി. തലശ്ശേരി അഡീഷനല്‍ ജില്ലാ സെഷന്‍സ് (അഡ്‌ഹോക്-ഒന്ന്) കോടതി മുന്‍പാകെയാണു കേസിലെ മുഖ്യപ്രതിയായ വൈദികന്‍ വീണ്ടും ജാമ്യഹരജി നല്‍കിയത്. ഹരജിയില്‍ 28ന് വാദം നടക്കും. ഒന്നാംപ്രതിയായ റോബിന്‍ നല്‍കിയ ജാമ്യഹരജി ഇതേ കോടതി നേരത്തെ തള്ളിയിരുന്നു. കേസില്‍ കന്യാസ്ത്രീകള്‍ ഉള്‍പ്പെടെ ഒന്‍പതു പ്രതികള്‍ക്ക് കോടതി നേരത്തെ ജാമ്യം നല്‍കിയിരുന്നു.