പാറ്റ്‌ന: ബിഹാറിലെ ഇന്ത്യ-നേപ്പാള്‍ അതിര്‍ത്തിയില്‍ വീണ്ടും നേപ്പാള്‍ പൊലിസിന്റെ പ്രകോപനം.

 കിഷന്‍ഗഞ്ചില്‍ ഇന്നലെ നടന്ന വെടിവയ്പില്‍ ഒരു ഇന്ത്യക്കാരന് പരുക്കേറ്റു. മൂന്നുപേര്‍ക്കെതിരേയാണ് നേപ്പാള്‍ പൊലിസ് വെടിവയ്പ് നടത്തിയത്.

പരുക്കേറ്റയാളെ ആശുപത്രിയില്‍ പ്രവേശിപ്പിച്ചെന്നും സംഭവത്തില്‍ അന്വേഷണം പ്രഖ്യാപിച്ചിട്ടുണ്ടെന്നും കിഷന്‍ഗഞ്ച് പൊലിസ് സൂപ്രണ്ട് വ്യക്തമാക്കി. 

കഴിഞ്ഞ മാസം സിതാമാര്‍ഹിയില്‍ നേപ്പാള്‍ പൊലിസ് നടത്തിയ വെടിവയ്പില്‍ ഒരു ഇന്ത്യക്കാരന്‍ കൊല്ലപ്പെടുകയും രണ്ടു പേര്‍ക്കു പരുക്കേല്‍ക്കുകയും ചെയ്തിരുന്നു.