തൊടുപുഴ: സംസ്ഥാനത്ത് ഒരു കൊവിഡ് മരണം കൂടി. ഇടുക്കി ചക്കുംപളളം ചിറ്റാമ്പാറയില്‍ തങ്കരാജ് (69) ആണ് മരിച്ചത്. ഇദ്ദേഹം ഹൃദ്രോഗബാധിതനായിരുന്നു.

ജൂലൈ എട്ടിന് ഗൂഡല്ലൂരില്‍ നിന്നും ഭാര്യയ്ക്കും മരുമകള്‍ക്കുമൊപ്പം കേരളത്തില്‍ എത്തിയതാണ്. ആദ്യ പരിശോധനാഫലം പോസറ്റീവ് ആയതിനെത്തുടര്‍ന്ന് ഇടുക്കി മെഡിക്കല്‍ കോളജില്‍ നിരീക്ഷണത്തിലായിരുന്നു. തങ്കരാജിന്റെ മരുമകള്‍ക്കും നേരത്തെ കൊവിഡ് സ്ഥിരീകരിച്ചിരുന്നു.

ഇതോടെ സംസ്ഥാനത്ത് കൊവിഡ് മരണം 43 ആയി ഉയര്‍ന്നു.