ഇരിങ്ങാലക്കുട: ഊരകം വിശുദ്ധ യൗസേപ്പിതാവിന്റെ തീര്‍ത്ഥകേന്ദ്രത്തില്‍ ഊട്ടുതിരുന്നാളിന് ഇന്ന് കൊടിയേറും.രാവിലെ 6.30 ന് രൂപത വികാരി ജനറല്‍ മോണ്‍.ജോബി പൊഴോലിപറമ്പില്‍ കൊടിയേറ്റം നിര്‍വ്വഹിക്കുമെന്ന് വികാരി ഫാ.ഡോ.ബെഞ്ചമിന്‍ ചിറയത്ത്,ജനറല്‍ കണ്‍വീനര്‍ പി.പി.ജോണ്‍സണ്‍,പബ്ലിസിറ്റി കണ്‍വീനര്‍ പി.ജി.റപ്പായി കൈക്കാരന്മാരായ ജോസ് പൊഴോലിപറമ്പില്‍, പിയൂസ് കൂള എന്നിവര്‍ അറിയിച്ചു.തുടര്‍ന്ന്  ലദീഞ്ഞ്, നൊവേന, ദിവ്യബലി.മേയ് അഞ്ച് വരെ ദിവസവും രാവിലെ 6.30ന് ലദീഞ്ഞ്, നൊവേന, ദിവ്യബലി.ഫാ.ഡോ.നെവിന്‍ ആട്ടോക്കാരന്‍, ഫാ.ഡോ.ക്ലമന്റ് ചിറയത്ത്, ഫാ.ടൈറ്റസ് കാട്ടുപറമ്പില്‍, ഫാ. റെനില്‍ കാരാത്ര, ഫാ.ഡോ.ജോജോ തൊടുപറമ്പില്‍, ഫാ.സെബാസ്റ്റ്യന്‍ നടവരമ്പന്‍, ഫാ.ഡോ.ജോജി കല്ലിങ്ങല്‍, ഫാ.ആന്റോ പാണാടന്‍ എന്നിവര്‍ കാര്‍മികത്വം വഹിക്കും. മേയ് ആറ് ശനിയാഴ്ച്ച രാവിലെ 6.30ന് ലദീഞ്ഞ്, പ്രസുദേന്തി വാഴ്ച്ച, നൊവേന, ദിവ്യബലി.തുടര്‍ന്ന് കൂടുതുറക്കല്‍. വികാരി ജനറല്‍ മോണ്‍. ആന്റോ തച്ചില്‍ മുഖ്യ കാര്‍മ്മികനായിരിക്കും.വൈകീട്ട് 8.30ന് അമ്പ് എഴുന്നള്ളിപ്പ് പള്ളിയില്‍ പ്രവേശിക്കും. മേയ് 7ന് രാവിലെ 6.30 ന് ദിവ്യബലി, നേര്‍ച്ചയൂട്ട് ആശീര്‍വ്വാദം. 8 ന് ദിവ്യബലിക്ക് ഫാ.ഡോ.പോളി പടയാട്ടി കാര്‍മികത്വം വഹിക്കും.