HOME
DETAILS

സച്ചിനെതിരേ ഗെലോട്ടിന്റെ ഒളിയമ്പ് 

  
backup
July 21 2020 | 04:07 AM

%e0%b4%b8%e0%b4%9a%e0%b5%8d%e0%b4%9a%e0%b4%bf%e0%b4%a8%e0%b5%86%e0%b4%a4%e0%b4%bf%e0%b4%b0%e0%b5%87-%e0%b4%97%e0%b5%86%e0%b4%b2%e0%b5%8b%e0%b4%9f%e0%b5%8d%e0%b4%9f%e0%b4%bf%e0%b4%a8%e0%b5%8d%e0%b4%b1

 
 
പൈലറ്റ് 35 കോടി ഓഫര്‍ ചെയ്‌തെന്ന ആരോപണവുമായി കോണ്‍ഗ്രസ് എം.എല്‍.എ; നിഷേധിച്ച് പൈലറ്റ് 
ജയ്പൂര്‍: രാജസ്ഥാനില്‍ പ്രതിസന്ധി തുടരുന്നതിനിടെ വിമത നേതാവ് സച്ചിന്‍ പൈലറ്റിനെതിരേ ഒളിയമ്പുമായി മുഖ്യമന്ത്രി അശോക് ഗെലോട്ട്. 
നിഷ്‌കളങ്കമായ മുഖവുംവച്ച് ഒരാള്‍ ഇത്തരത്തില്‍ പ്രവര്‍ത്തിക്കുമെന്ന് ആരും വിചാരിച്ചില്ലെന്നായിരുന്നു ഗെലോട്ട് പറഞ്ഞത്. ആറു മാസമായി സച്ചിന്‍ പൈലറ്റ് ബി.ജെ.പിയുമായി ചര്‍ച്ചകള്‍ നടത്തുന്നതായാണ് അറിഞ്ഞതെന്നും ഗെലോട്ട് പറഞ്ഞു.
സച്ചിന്‍ പൈലറ്റിനെ ഒന്നിനും കൊള്ളില്ലെന്നും പാര്‍ട്ടിക്കുള്ളില്‍ പ്രശ്‌നങ്ങളുണ്ടാക്കാന്‍ മാത്രമാണ് അയാള്‍ക്ക് അറിയുകയെന്നും ഗെലോട്ട് ആരോപിച്ചു. 
താന്‍ മുഖ്യമന്ത്രിയാണെന്നും പച്ചക്കറി കച്ചവടത്തിന് വന്നതല്ലെന്നും വ്യക്തമാക്കിയ ഗെലോട്ട്, പ്രശ്‌നങ്ങള്‍ തീര്‍ക്കാന്‍ തനിക്കറിയാമെന്നും സൂചിപ്പിച്ചു. എന്നാല്‍, കോണ്‍ഗ്രസ് ജനറല്‍ സെക്രട്ടറി പ്രിയങ്കാ ഗാന്ധിയുടെ നേതൃത്വത്തില്‍ സച്ചിന്‍ പൈലറ്റുമായി ഇപ്പോഴും ചര്‍ച്ചകള്‍ നടക്കുന്നുണ്ടെന്നാണ് വിവരം.
അതേസമയം, സച്ചിന്‍ പൈലറ്റിനെതിരേ പുതിയ ആരോപണവുമായി ഒരു കോണ്‍ഗ്രസ് എം.എല്‍.എ രംഗത്തെത്തിയിട്ടുണ്ട്. സര്‍ക്കാരിനെതിരേ നീങ്ങാന്‍ സച്ചിന്‍ പൈലറ്റ് തനിക്ക് 35 കോടി രൂപ ഓഫര്‍ ചെയ്‌തെന്നാണ് ഗിരിരാജ് സിങ് എം.എല്‍.എ പറയുന്നത്. 
എന്നാല്‍, ആരോപണം കെട്ടിച്ചമച്ചതും അടിസ്ഥാനരഹിതവുമാണെന്നു വ്യക്തമാക്കി സച്ചിന്‍ പൈലറ്റും രംഗത്തെത്തിയിട്ടുണ്ട്. തന്റെ വിശ്വാസ്യത തകര്‍ക്കാനുള്ള ശ്രമങ്ങളാണിതെന്നും വിഷയത്തില്‍ നിയമ നടപടി സ്വീകരിക്കുമെന്നും അദ്ദേഹം വ്യക്തമാക്കി.


Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."