മസ്‌കത്ത്: രാജ്യത്തിന്റെ വിവിധ ഭാഗങ്ങളില്‍ കനത്ത പൊടിക്കാറ്റിന് സാധ്യത. മരുഭൂമികളിലും തുറസ്സായ ഇടങ്ങളിലും ശക്തമായ പൊടിക്കാറ്റ് ഉണ്ടാകാന്‍ സാധ്യതയുണ്ടെന്നും ഇക്കാരണത്താല്‍ പൊതുജനം ജാഗ്രത പാലിക്കണമെന്നും പൊലിസ് മുന്നറിയിപ്പ് നല്‍കി.

ALSO READ: കണ്ടാല്‍ കേരളമാണെന്ന് തോന്നും, പക്ഷേ ഒമാന്‍ ആണ്; ഖരീഫ് സീസണില്‍ ഒമാനിലേക്ക് സന്ദര്‍ശക പ്രവാഹം

വടക്കു-പടിഞ്ഞാറന്‍ കാറ്റ് കൂടുതല്‍ കരുത്താര്‍ജ്ജിച്ചതിനെ തുടര്‍ന്ന് രാജ്യത്തിന്റെ വിവിധ ഭാഗങ്ങളിലേക്ക് പൊടിക്കാറ്റ് വ്യാപിച്ചതായി കാലാവസ്ഥാ വിദഗ്ധര്‍ പറഞ്ഞു. ഒമാന്റെ വടക്കന്‍ മേഖലകളിലാണ് പൊടിക്കാറ്റ് ഏറ്റവും ശക്തമായി അനുഭവപ്പെടുന്നത്.

ALSO READ: ഒമാനില്‍ ഇന്ന് മുതല്‍ ആഭ്യന്തര സാമ്പത്തിക ഇടപാടുകള്‍ക്ക് 'ഐബാന്‍' നമ്പര്‍ നിര്‍ബന്ധം

പൊടിക്കാറ്റ് കാരണമായി രാജ്യത്തിന്റെ പല ഭാഗങ്ങളിലും ദൃശ്യപരത ഗണ്യമായി കുറഞ്ഞിട്ടുണ്ട്. നിലവിലുള്ള അസ്ഥിരമായ കാലാവസ്ഥ വരുംദിവസങ്ങളിലും തുടരാനാണ് സാധ്യത. പൊതുജനം അതീവ ജാഗ്രത പുലര്‍ത്തണമെന്ന് ബന്ധപ്പെട്ട അധികൃതര്‍ മുന്നറിയിപ്പ് നല്‍കി. പൊടിക്കാറ്റ് ശക്തമാകുന്ന സാഹചര്യത്തില്‍ വാഹനമോടിക്കുന്നവര്‍ ജാഗ്രത പുലര്‍ത്തണമെന്നും നിര്‍ദേശമുണ്ട്.

A heavy dust storm is forecast in Oman, with drastically reduced visibility expected. Police have issued a public alert urging caution while driving and traveling.