കൊല്ലം: നെഹ്‌റു യുവ കേന്ദ്രയുടെ ആഭിമുഖ്യത്തില്‍ സംഘടിപ്പിക്കുന്ന ഏകദിന സൗജന്യ മത്സര പരീക്ഷല ബോധവല്‍ക്കരണ പരിപാടി മേയ് മൂന്നിന് രാവിലെ ഒന്‍പത് മുതല്‍ ജില്ലാ പഞ്ചായത്ത് ഹാളില്‍ നടക്കും. ജില്ലാ കലക്ടര്‍ ഡോ. മിത്ര ടി ഉദ്ഘാടനം ചെയ്യും. കേന്ദ്രസംസ്ഥാന പബ്ലിക് സര്‍വീസ് കമ്മീഷനുകള്‍ നടത്തുന്ന മത്സര പരീക്ഷകള്‍ക്കുള്ള തയ്യാറെടുപ്പുകളെക്കുറിച്ച് യുവജനങ്ങളെ ബോധവല്‍ക്കരിക്കുന്നതിനും 2020ല്‍ സിവില്‍ സര്‍വീസ് പരീക്ഷ എഴുതാന്‍ താല്‍പര്യമുള്ളവരെ കണ്ടെത്തി മാര്‍ഗനിര്‍ദേശങ്ങള്‍ നല്‍കുന്നതിനും വേണ്ടിയാണ് ജില്ലാ ഭരണകൂടത്തിന്റെയും ഇന്‍ഫര്‍മേഷന്‍  പബ്ലിക് റിലേഷന്‍സ് വകുപ്പിന്റെയും സഹകരണത്തോടെപരിപാടി സംഘടിപ്പിക്കുന്നത്.
കസ്റ്റംസ് ആന്റ് സെന്‍ട്രല്‍ എക്‌സൈസ് അസി. കമ്മിഷണര്‍ ഡോ. രാജി, സിറ്റി പൊലിസ് കമ്മിഷണര്‍ സതീഷ് ബിനോ, എ.സി.പി ഡോ. കാര്‍ത്തികേയന്‍ ഗോകുലചന്ദ്രന്‍, ജില്ലാ യൂത്ത് കോ ഓര്‍ഡിനേറ്റര്‍ ബി .അലിസാബ്രിന്‍, സബ് കലക്ടര്‍ ഡോ. എസ് ചിത്ര എന്നിവര്‍ ക്ലാസെടുക്കും.
15നും 29നും ഇടയില്‍ പ്രായമുള്ള വിദ്യാര്‍ഥികള്‍ക്കും യുവജനങ്ങള്‍ക്കും സിവില്‍ സര്‍വീസ് ക്ലാസുകള്‍ നയിക്കാന്‍ പ്രാപ്തരായ വ്യക്തികള്‍ക്കും പങ്കെടുക്കാം. താല്‍പര്യമുള്ളവര്‍ മേയ് ഒന്നിനകം 9400990330 എന്ന നമ്പരില്‍ വിളിച്ച് രജിസ്റ്റര്‍ ചെയ്യണം. പ്രവേശനം 200 പേര്‍ക്ക്. വിശദ വിവരങ്ങള്‍ക്ക് ജില്ലാ യൂത്ത് കോഓര്‍ഡിനേറ്ററുമായി ബന്ധപ്പെടണം.