HOME
DETAILS

'നോ ഹോണ്‍ ദിനം' 19 സ്വകാര്യ ബസ്സുകള്‍ക്കെതിരെ മോട്ടോര്‍ വാഹന വകുപ്പ് നടപടി

  
backup
April 26 2017 | 20:04 PM

%e0%b4%a8%e0%b5%8b-%e0%b4%b9%e0%b5%8b%e0%b4%a3%e0%b5%8d%e2%80%8d-%e0%b4%a6%e0%b4%bf%e0%b4%a8%e0%b4%82-19-%e0%b4%b8%e0%b5%8d%e0%b4%b5%e0%b4%95%e0%b4%be%e0%b4%b0%e0%b5%8d%e0%b4%af-%e0%b4%ac%e0%b4%b8


കോതമംഗലം: 'നോ ഹോണ്‍ ദിന 'മായ ഇന്നലെ  മോട്ടോര്‍ വാഹന വകുപ്പ് നടത്തിയ വാഹന പരിശോധനയില്‍ കോതമംഗലത്ത് 19 സ്വകാര്യ ബസ്സുകള്‍ക്കെതിരെ നടപടിയെടുത്തു.
എയര്‍ ഹോണ്‍ ഘടിപ്പിച്ച് സര്‍വ്വീസ് നടത്തിയ 16 ഉം ഡോര്‍ തുറന്നിട്ട് സര്‍വീസ് നടത്തിയ 3 ഉം ബസ്സുകള്‍ക്കെതിരെയാണ് നടപടി.അമിത ശബ്ദം പുറപ്പെടുവിക്കുന്ന സൈലന്‍സര്‍ ഘടിപ്പിച്ച മറ്റ് 12 വാഹനങ്ങള്‍ക്കെതിരെയും നടപടി സ്വീകരിച്ചിട്ടുണ്ട്. എല്ലാ വാഹനങ്ങളില്‍ നിന്നും പിഴ ഈടാക്കി.
മുവാറ്റുപുഴ ആര്‍.ടി.ഒ.യുടെ നിര്‍ദ്ദേശാനുസരണം കോതമംഗലം ജോയിന്റ് ആര്‍.ടി.ഒ.അധികൃതരാണ് വാഹന പരിശോധന നടത്തി നടപടി സ്വീകരിച്ചത്.
കാക്കനാട്: നോ ഹോണ്‍ ദിനാചരണത്തിന്റെ ഭാഗമായി ജില്ലയുടെ വിവിധ ഭാഗങ്ങളില്‍ പരിശോധന നടത്തി.
അമിതമായി ശബ്ദമുണ്ടാക്കുന്ന എയര്‍ഹോണ്‍ സ്ഥാപിച്ച ബസ്സുകള്‍ ലോറികള്‍, സൈലന്‍സറുകള്‍ മാറ്റം വരുത്തിയ ബൈക്കുകള്‍, വിലയ ശബ്ദത്തിലുള്ള മ്യൂസിക് സിസ്റ്റം ഘടിപ്പിച്ച ബസുകള്‍ എന്നിവയാണ് ഇന്നലെ പരിശോധനയ്ക്ക് വിധേയമാക്കിയത്. അന്യസംസ്ഥാനത്ത് നിന്ന് ടൂറിസ്റ്റുകളെയും കൊണ്ടുവരുന്ന ബസുകള്‍, സംസ്ഥാനത്ത് സര്‍വീസ് നടത്തുന്ന ടൂറിസ്റ്റ് ബസുകള്‍ എന്നിവയിലാണ് അപകടരമാംവിധം ശബ്ദമുണ്ടാക്കുന്ന എയര്‍ ഹോണുകള്‍ സ്ഥാപിച്ചത് കണ്ടെത്തിയത്.
ഇത്തരത്തില്‍ 45 ഓളം ബസുകള്‍ക്കെതിരെയാണ് നടപടിയെടുത്തത്. കൂടാതെ നഗരത്തിന്റെ വിവിധ ഭാഗങ്ങളിലായി സൈലസന്റുകള്‍ മാറ്റം വരുത്തിയ പത്ത് ബൈക്കുകളും പിടിച്ചെടുത്തു.






Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."