തുറവൂര്‍: ചേര്‍ത്തല താലൂക്കിന്റെ വടക്കന്‍ മേഖലകളില്‍ വീണ്ടും വ്യാപകമായി നിലം നികത്ത് തകൃതിയായി നടക്കുന്നു.
പാടങ്ങളില്‍ ഉയരത്തില്‍ വേലി കെട്ടി അടച്ച ശേഷമാണു പൂഴി ഉപയോഗിച്ച് നികത്തുന്നത്. ജനങ്ങളുടെ ശ്രദ്ധയില്‍പ്പെടാതിരിക്കാന്‍ രാത്രികാലങ്ങളിലാണു വാഹനങ്ങളില്‍ പൂഴിയും മണലുമെത്തുന്നത്. നികത്തലിനായി കടല്‍മണ്ണും ഉപയോഗിക്കുന്നുണ്ട്.
ജനങ്ങള്‍ പരാതിപ്പെട്ടാല്‍ വില്ലേജ് ഓഫിസര്‍മാര്‍ നിറുത്തിവയ്ക്കല്‍ നോട്ടീസ് നല്‍കും.
പിന്നീട് കുറച്ച് ദിവസങ്ങള്‍ക്ക് ശേഷം വീണ്ടും നികത്തല്‍ പുനരാംഭിക്കും. അനധികൃതമായ നിലം നികത്തലിനെ കര്‍ശന നടപടി സ്വീകരിക്കണമെന്നാവശ്യം ശക്തമായി.