ബാങ്കോക്ക്: ഗുഹയില്‍ അകപ്പെട്ട കുട്ടികളെ രക്ഷപ്പെടുത്താന്‍ സാങ്കേതിക സാഹയം നല്‍കിയതിന് ഇന്ത്യന്‍ സര്‍ക്കാരിനും കിര്‍ലോസ്‌കര്‍ ബ്രദേഴ്‌സ് കമ്പനിക്കും നന്ദി പറഞ്ഞ് തായ്‌ലന്‍ഡ്. ഗുഹക്കകത്തെ വെള്ളം പമ്പ് ചെയ്ത് ഒഴിവാക്കാന്‍ പൂനെ അസ്ഥാനമാക്കിയുള്ള കിര്‍ലോസ്‌കര്‍ സാങ്കേതിക സഹായം നല്‍കിയിരുന്നു. കിര്‍ലോസ്‌കറിന്റെ അധ്യാധുനിക പമ്പുകള്‍ രക്ഷാപ്രവര്‍ത്തനത്തിന് ഉപയോഗിച്ചിരുന്നു.
അന്താരാഷ്ട്ര സമൂഹത്തിന്റെ സഹായമില്ലാതെ ഗുഹയിലെ രക്ഷാ പ്രവര്‍ത്തനം സാധ്യമായിരുന്നില്ലെന്ന് വിദേശകാര്യ മന്ത്രി സുഷമാ സ്വരാജിന് എഴുതിയ കത്തില്‍ തായ്‌ലന്‍ഡ് പറഞ്ഞു. ഇന്ത്യയുടെ പൊതു, സ്വകാര്യ മേഖലകളില്‍ നിന്ന് ഉദാര സഹായം ലഭിച്ചുവെന്ന് തായ്‌ലന്‍ഡ് പറഞ്ഞു.