വടക്കാഞ്ചേരി: വ്യാപാരി വ്യവസായി ഏകോപന സമിതി വടക്കാഞ്ചേരി യൂനിറ്റ് ഏര്‍പ്പെടുത്തിയ കര്‍മ്മശ്രേഷ്ഠ പുരസ്‌ക്കാരം അനില്‍ അക്കര എം.എല്‍.എക്ക് സമ്മാനിച്ചു.
എയര്‍ കണ്ടീഷന്‍ ചെയ്ത് നവീകരിച്ച വ്യാപാര ഭവന്റെ ഉദ്ഘാടനവും എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വ്യാപാരികളുടെ മക്കള്‍ക്കുള്ള പുരസ്‌ക്കാര വിതരണവും നടന്നു. വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് കെ.വി അബ്ദുള്‍ ഹമീദ് ഉദ്ഘാടനം ചെയ്തു. യൂനിറ്റ് പ്രസിഡന്റ് അജിത് കുമാര്‍ മല്ലയ്യ അധ്യക്ഷനായി. പി.എന്‍ ഗോകുലന്‍, പി.പി അബ്ദുള്‍ സലാം, സി.ആര്‍ പോള്‍ സംസാരിച്ചു.