എടപ്പാള്‍: നളന്ദ വയോജനവേദിയുടെ നേതൃത്വത്തില്‍ നടന്ന 'ആദരം 17' പ്രദേശത്തെ എണ്‍പത് കഴിഞ്ഞവരുടെ സംഗമ വേദിയായി.
 പന്താവൂര്‍ നളന്ദ കലാകേന്ദ്രം ആന്റ് ഗ്രന്ഥശാലയില്‍ നടന്നുവരുന്ന ഗുരുസംഗമത്തിന്റെ ഭാഗമായാണ് ഒത്തുചേരല്‍ സംഘടിപ്പിച്ചത്.
അവശതകളെ തുടര്‍ന്ന് വീട്ടില്‍ ഒതുങ്ങിക്കൂടിയിരുന്ന ഇവരുടെ സംഗമം അവശതകള്‍ മറക്കാനുള്ള വേദിയായി. പരിപാടിയുടെ ഉദ്ഘാടനവും ആദരിക്കലും ആലങ്കോട് ലീലാകൃഷ്ണന്‍ നിര്‍വഹിച്ചു.
കെ. സൂര്യനാരായണന്‍ അധ്യക്ഷനായി. പി.വി.പ്രകാശ്, വി.വി.രാമകൃഷ്ണന്‍, ഇ ആര്‍.ലിജേഷ്, പി.വിജയന്‍, അടാട്ട് വാസുദേവന്‍, കെ.അയ്യപ്പന്‍, തലാപ്പില്‍ ഉമ്മര്‍, കെ.പി രാധാകൃഷ്ണന്‍, ഇ.കെ.രഘുനാഥ്, പി.ടി.ശിവശങ്കരന്‍ സംസാരിച്ചു.