പേരാമ്പ്ര: കായണ്ണ മാണിക്കോത്ത് കുന്നുമ്മല്‍ കുഞ്ഞിക്കണ്ണന്റെ വീടിന് തീപിടിച്ചു. ഇന്നലെ രാവിലെ ഒന്‍പതോടെയാണ് ഓലമേഞ്ഞ വീടിന് തീപിടിച്ചത്. പേരാമ്പ്രയില്‍ നിന്ന് സ്റ്റേഷന്‍ ഓഫിസര്‍ വാസത്തിന്റെ നേതൃത്വത്തില്‍ അഗ്നിശമന സേനാംഗങ്ങള്‍ സ്ഥലത്ത് എത്തുമ്പോഴേക്കും വീടിന്റെ മേല്‍ക്കൂര കത്തിയമര്‍ന്നിരുന്നു.
അതേസമയം കൂടുതല്‍ ഭാഗത്തേക്ക് തീപടര്‍ന്ന് പിടിക്കുന്നത് തടയാന്‍ അഗ്നിശമന സേനയുടെ സേവനം തുണയായി. സംഭവത്തില്‍ വീട്ടില്‍ സൂക്ഷിച്ച വിലപിടിപ്പുള്ള രേഖകളും വീട്ടുപകരണങ്ങളും അഗ്നിക്കിരയായി. കുഞ്ഞിക്കണ്ണന്‍ തനിച്ചാണ് ഇവിടെ താമസിക്കുന്നത്. അര ലക്ഷത്തോളം രൂപയുടെ നാശനഷ്ടം കണക്കാക്കുന്നു.