പേരാവൂര്‍: പേരാവൂരില്‍ ഏഴുവയസുകാരനെ തോട്ടില്‍ കാണാതായതായി സംശയം. പേരിയ 38ലെ തയ്യുള്ളതില്‍ അയ്യൂബ്-റസീന ദമ്പതികളുടെ മകനും വരയാല്‍ എസ്.എം.എന്‍.എല്‍.പി സ്‌കൂള്‍ രണ്ടാംതരം വിദ്യാര്‍ഥിയുമായ അജ്മല്‍(7)നെയാണ് കാണാതായത്. വള്ളിത്തോട് ജുമാ മസ്ജിദില്‍ പോയി വരുന്ന വഴിക്ക് സമീപത്തെ കടയില്‍നിന്നു മിഠായി വാങ്ങി വീട്ടിലേക്ക് പോയതായാണ് വിവരം. എന്നാല്‍ കുട്ടി വീട്ടില്‍ തിരിച്ചെത്തിയിട്ടില്ല. വീടിനടുത്തുള്ള കരകവിഞ്ഞൊഴുകുന്ന തോട് മുറിച്ചു കടക്കുന്നതിനിടയില്‍ ഒഴുക്കില്‍പെട്ടതാകാമെന്ന നിഗമനത്തിലാണ് നാട്ടുകാരും ബന്ധുക്കളും. അഗ്‌നിശമന സേനയും നാട്ടുകാരും സംയുക്തമായി തിരച്ചില്‍ നടത്തി.