ന്യൂഡല്‍ഹി: കൊവിഡ് വ്യാപന പശ്ചാത്തലത്തില്‍ കേരളത്തിലെ ചവറ അസംബ്ലി മണ്ഡലം ഉള്‍പ്പടെ രാജ്യത്തെ എട്ട് ഉപതെരഞ്ഞെടുപ്പുകള്‍ സെപ്തംബര്‍ ഏഴു വരെ നീട്ടിവയ്ക്കാന്‍ തെരഞ്ഞെടുപ്പ് കമ്മിഷന്‍ തീരുമാനിച്ചു.
ഒരു ലോക്‌സഭാ സീറ്റ്, ഏഴ് അസംബ്ലി സീറ്റുകള്‍ എന്നിവയിലേക്കുള്ള ഉപതെരഞ്ഞെടുപ്പുകളാണ് മാറ്റുന്നത്.
ബിഹാറിലെ വാല്‍മീകി നഗര്‍ ലോക്‌സഭാ സീറ്റ്, തമിഴ്‌നാട്ടിലെയും ഉത്തര്‍പ്രദേശിലെയും രണ്ടുവീതം അസംബ്ലി സീറ്റുകള്‍, ആസാം, മധ്യപ്രദേശ് എന്നിവിടങ്ങളിലെ ഒരോ അസംബ്ലി സീറ്റുകള്‍ വീതം എന്നിങ്ങനെയാണ് നീട്ടിവയ്ക്കുന്ന മറ്റു മണ്ഡലങ്ങള്‍.
56 അസംബ്ലി മണ്ഡലങ്ങള്‍ ഉള്‍പ്പടെ 57 സീറ്റുകളിലേക്കാണ് ആകെ ഉപതെരഞ്ഞെടുപ്പ് നടത്താനുള്ളത്.