തേഞ്ഞിപ്പലം: കാലിക്കറ്റ് സര്‍വകലാശാല വിദൂര വിദ്യാഭ്യാസ വിഭാഗം ബഹുവിഷയ ഗവേഷണ മാസിക ആരംഭിക്കുന്നു. ഗവേഷണ പ്രബന്ധങ്ങള്‍ വിദഗ്ധരുടെ പരിശോധനക്കു ശേഷമാണ് പ്രസിദ്ധീകരിക്കുക. ഇതിനായി ഔദ്യോഗിക അനുമതി തേടാനുള്ള റിപ്പോര്‍ട്ട് തയാറാക്കാന്‍ അധ്യാപകരുടെ സമിതി രൂപീകരിച്ചു.
വിദൂര വിദ്യാഭ്യാസ വിഭാഗത്തിന്റെ പ്രവര്‍ത്തനങ്ങള്‍ വിശദീകരിക്കുന്ന ന്യൂസ്‌ലെറ്റര്‍ പ്രസിദ്ധീകരിക്കുന്നതു സംബന്ധിച്ചും സമിതി റിപ്പാര്‍ട്ട് തയാറാക്കും.
വിദ്യൂര വിദ്യാഭ്യാസ കോഴ്‌സുകളില്‍ മികച്ച വിജയം കൈവരിച്ച വിദ്യാര്‍ഥികളെ കണ്ടെത്തി മെറിറ്റ് ഈവനിങ് നടത്താനും അനുമതി തേടും. വിദ്യാര്‍ഥികള്‍ക്ക് പഠിക്കാനാവശ്യമായ നോട്ടുകള്‍ എസ്.ഡി.ഇ വെബ്‌സൈറ്റില്‍നിന്ന് ഡൗണ്‍ലോഡ് ചെയ്യാന്‍ സംവിധാനം ഒരുക്കിയിട്ടുണ്ട്. നോട്ടുകള്‍ യഥാസമയം കിട്ടുന്നില്ലെന്ന പരാതി ഒഴിവാക്കാന്‍ ഇതുവഴി സാധിക്കും. വിദൂര വിദ്യാഭ്യാസ വിഭാഗത്തില്‍ പ്രതിമാസ പ്രഭാഷണ പരിപാടി ഈ മാസം മുതല്‍ ആരംഭിക്കാനും തീരുമാനിച്ചിട്ടുണ്ട്.