കോഴിക്കോട്: ചൈനയില്‍ നടക്കുന്ന ലോക പട്ടംപറത്തല്‍ മത്സരത്തിനുള്ള ഇന്ത്യന്‍ ടീമിനെ അബ്ദുല്ല മാളിയേക്കല്‍ നയിക്കും. പരമ്പരാഗത പട്ടം വിഭാഗത്തിലും നൂതന പട്ടം വിഭാഗത്തിലുമാണ് ഇന്ത്യന്‍ ടീം പങ്കെടുക്കുന്നത്. നിദേഷ് ലക് (വൈസ് ക്യാപ്റ്റന്‍), ശ്രീജിത് കുമാര്‍, എം. ഫഹീം, എല്. ഭവാനി, കെ. മീത്തല്‍ എന്നിവരാണ് ടീമിലെ മറ്റംഗങ്ങളെന്ന് മാനേജര്‍ നിതേഷ് എസ്. നായര്‍ വാര്‍ത്താസമ്മേളനത്തില്‍ അറിയിച്ചു, 19 മുതല്‍ 25 വരെയാണ് വൈഫാങ് നഗരത്തില്‍ മത്സരം നടക്കുന്നത്. 24 അടി വലിപ്പമുള്ള പറക്കുന്ന കുതിരയുടെ രൂപമാണ് ഇന്ത്യന്‍ സംഘം അവതരിപ്പിക്കുന്നത്. ഏപ്രില്‍ നാളെയും മറ്റന്നാളും കോഴിക്കോട് ബീച്ചില്‍ ആകാശവാണിക്കു മുന്‍വശത്ത് ടീമിന്റെ പരിശീലനം നടക്കും. വൈകിട്ട് മൂന്നു മുതല്‍ ഏഴുവരെയാണ് പരിശീലനം. സുബൈര്‍ കൊളക്കാടന്‍, സാജിത് തോപ്പില്‍, സലീം പാറക്കല്‍ വാര്‍ത്താസമ്മേളനത്തില്‍ പങ്കെടുത്തു.