തിരുവനന്തപുരം: സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും രണ്ട് ശതമാനം അധിക ക്ഷാമബത്ത. ഈ വര്‍ഷം ജനുവരി ഒന്നുമുതല്‍ മുന്‍കാല പ്രാബല്യത്തോടെയാണ് ക്ഷാമബത്ത അനുവദിച്ചത്. ഇതോടെ പെന്‍ഷന്‍കാരുടെയും ജീവനക്കാരുടെയും ക്ഷാമബത്ത14 ശതമാനമായി ഉയരും. ഒരു ശതമാനം ക്ഷാമബത്ത ജീവനക്കാര്‍ക്ക് അധികമായി നല്‍കുന്നതിന് 19.13 കോടി രൂപയാണ് വേണ്ടത്. പുതിയ തീരുമാനത്തിലൂടെ പ്രതിമാസം 38.26 കോടിയുടെ അധിക ബാധ്യതയാണ് സര്‍ക്കാര്‍ ഏറ്റെടുത്തിരിക്കുന്നത്.
പെന്‍ഷന്‍ ക്ഷാമബത്ത രണ്ട് ശതമാനം നല്‍കുന്നതിന് 20.88 കോടി രൂപ പ്രതിമാസം വേണം. ആകെ പ്രതിമാസ അധികചെലവ് 59.14 കോടിരൂപയായിരിക്കും. പുതിയ തീരുമാനത്തിലൂടെ പ്രതിവര്‍ഷം709.68 കോടിയുടെ അധികബാധ്യതയാണ് സര്‍ക്കാരിനുണ്ടാവുക.
ജനുവരി ഒന്നുമുതല്‍ മാര്‍ച്ച് 31വരെയുള്ള ക്ഷാമബത്ത കുടിശിക സര്‍ക്കാര്‍ ജീവനക്കാരുടെ പി.എഫില്‍ ലയിപ്പിക്കും. പെന്‍ഷന്‍കാര്‍ക്ക് ഈ തുക പണമായി നല്‍കുമെന്നും അധികൃതര്‍ അറിയിച്ചു.