കൊട്ടാരക്കര: ക്ഷേത്രോത്സവത്തിനിടയിലുണ്ടായ സംഘര്‍ഷത്തില്‍ രണ്ട് യുവാക്കള്‍ക്ക് മര്‍ദനമേറ്റു. ഉമ്മന്നൂര്‍ വിലങ്ങറ വിനേഷ് ഭവനില്‍ വിനയന്റെ മകന്‍ വിനേഷ് (29), വിലങ്ങറ സ്വദേശി മുരുഗേഷ് (27) എന്നിവര്‍ക്കാണ് മര്‍ദനമേറ്റത്. ഇരുവരും കൊട്ടാരക്കര താലൂക്കാശുപത്രിയില്‍ ചികിത്സയിലാണ്. സംഭവുമായി ബന്ധപെട്ട് മൂന്ന് പേരെ കൊട്ടാരക്കര പൊലിസ് അറസ്റ്റ് ചെയ്തു. നെല്ലികുന്നം സിജിന്‍ ഭവനില്‍ രാജുവിന്റെ മകന്‍ സിബിന്‍ (വാവ) (26), നെല്ലികുന്നം ജിതിന്‍ നിവാസില്‍ അജയകുമാറിന്റെ മകന്‍ നിതിന്‍ (23), വിലങ്ങറ ശരത് ഭവനില്‍ ബാബുവിന്റെ മകന്‍ ശരത് (25) എന്നിവരാണ് അറസ്റ്റിലായത്. മുന്‍ വൈരാഗ്യമാണ് ആക്രമണത്തിന് പിന്നിലെന്ന് പൊലിസ് പറയുന്നു. കൊട്ടാരക്കര പൊലിസ് അന്വേഷണം ആരംഭിച്ചു.