തിരുവനന്തപുരം: ഗ്രാമോത്സവങ്ങളിലൂടെ മാത്രമേ സാംസ്‌കാരിക പ്രവര്‍ത്തനങ്ങള്‍ പൂര്‍ണതയില്‍ എത്തുകയുള്ളൂവെന്ന് ഗവര്‍ണര്‍ പി. സദാശിവം പറഞ്ഞു.

ശിവപാര്‍വ്വതി കള്‍ച്ചറല്‍ സൊസൈറ്റിയുടെ നേതൃത്വത്തില്‍ ഒക്‌ടോബറില്‍ തിരുവനന്തപുരത്തു നടത്തുന്ന ചിലങ്ക റൂറല്‍ ഫെസ്റ്റിന്റെ ലോഗോ പ്രകാശനം രാജ് ഭവനില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം. പരമ്പരാഗത കലയും സംസ്‌കാരവും നിലനിര്‍ത്തുന്നതിന് സമകാലിക കലാരൂപങ്ങള്‍ സൃഷ്ടിക്കാനും പ്രോത്സാഹിപ്പിക്കാനും ഇത്തരം ഫെസ്റ്റിവല്‍ മുതല്‍ക്കൂട്ടാവുമെന്ന് ഗവര്‍ണര്‍ ചൂണ്ടിക്കാട്ടി.
ഗവര്‍ണര്‍ പി. സദാശിവം സ്വാഗതസംഘം ചെയര്‍മാന്‍ ഡി.കെ മുരളി എം.എല്‍.എക്ക് ലോഗോ നല്‍കിയാണ് പ്രകാശനം നിര്‍വഹിച്ചത്. അഡ്വ. ശ്രീജിത്, ദിനേശ് പണിക്കര്‍, മാളവിക, പാര്‍വ്വതി, കെ.പി സാജിദ്, ആര്‍. അജിരാജ്കുമാര്‍ പങ്കെടുത്തു.