കോട്ടയം: തിങ്കളാഴ്ച നടത്തിയ ആന്റിജന്‍ പരിശോധനയില്‍ ഏറ്റുമാനൂര്‍ ചന്തയിലെ 33 പേര്‍ക്ക് കൊവിഡ് സ്ഥിരീകരിച്ചു. രോഗബാധ സ്ഥിരീകരിച്ചവരില്‍ ഏറെയും ഇതരസംസ്ഥാന തൊഴിലാളികളാണ്.

ഏറ്റുമാനൂരിലെ സ്വകാര്യ പച്ചക്കറി വിപണന കേന്ദ്രത്തിലെ 50 തൊഴിലാളികളുടെ സ്രവമാണ് പരിശോധിച്ചത്.

ഇവരുമായി സമ്പര്‍ക്കം പുലര്‍ത്തിയവരെ കണ്ടെത്തി നിരീക്ഷണത്തിലാക്കാന്‍ പരമാവധി ശ്രമം തുടങ്ങിയതായി ആരോഗ്യവകുപ്പ് അറിയിച്ചു. ഇതേതുടര്‍ന്ന് ഏറ്റുമാനൂരില്‍ അതീവ ജാഗ്രതാ നിര്‍ദ്ദേശം നല്‍കിയിട്ടുണ്ട്.