പുതുക്കാട്: കുറുമാലിയില്‍ ബൈക്കും സ്‌കൂട്ടറും കൂട്ടിയിടിച്ച് രണ്ടുപേര്‍ക്ക് ഗുരുതരമായ പരുക്ക്. ബൈക്ക് യാത്രക്കാരനായ കാളന്‍ ബാബു മകന്‍ ക്രിസ്റ്റോ (20), സ്‌കൂട്ടര്‍ യാത്രക്കാരിയായ നന്തിക്കര കാളിപറമ്പില്‍ സുരേന്ദ്രന്റെ ഭാര്യ ബിന്ദു (37) എന്നിവര്‍ക്കാണ് പരുക്കേറ്റത്.
ഗുരുതരമായി പരുക്കേറ്റ ഇരുവരേയും തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
തൃശൂര്‍ ഭാഗത്ത് നിന്ന് വന്നിരുന്ന ബൈക്ക് ദേശീയ പാതയിലേക്ക് പ്രവേശിച്ച സ്‌കൂട്ടറില്‍ ഇടിക്കുകയായിരുന്നു. ഇടിയുടെ ആഘാതത്തില്‍ രണ്ടുപേരും റോഡിലേക്ക് തെറിച്ചുവീണു. സമീപത്തെ ഓട്ടോറിക്ഷ തൊഴിലാളികളാണ് പരുക്കേറ്റവരെ ആശുപത്രിയില്‍ എത്തിച്ചത്. ചാലക്കുടിയിലെ എല്‍.ഡി.എഫ് സ്ഥാനാര്‍ഥി ഇന്നസെന്റിന്റെ ഭാര്യാ സഹോദരന്റെ മകനാണ് പരുക്കേറ്റ ക്രിസ്റ്റോ.