ജിദ്ദ: രണ്ടു പതിറ്റാണ്ട് കാലത്തെ പ്രവാസം അവസാനിപ്പിച്ചു നാട്ടിലേക്ക് പോവുന്ന വളാഞ്ചേരി മുനിസിപ്പൽ കെഎംസിസി ജനറൽ സെക്രട്ടറി അബ്ബാസ് ബാവപ്പടിക്ക് ജിദ്ദ - വളാഞ്ചേരി മുനിസിപ്പൽ കെഎംസിസി യാത്രയയ്പ്പു നൽകി. പ്രസിഡന്റ് ജാഫർ നീറ്റുകാട്ടിൽ അധ്യക്ഷത വഹിച്ചു. കോട്ടക്കൽ മണ്ഡലം കെഎംസിസി ട്രഷറർ പാറക്കൽ ഇബ്രാഹിം ഹാജി യോഗം ഉത്ഘാടനം ചെയ്തു.

    അബ്ദുൽ മജീദ്, കെ. വി. മുസ്തഫ, ബാവനു കൊളമംഗളം, സലാം മീമ്പാറ തുടങ്ങിയവർ സംസാരിച്ചു. വളാഞ്ചേരി മുനിസിപ്പൽ കെഎംസിസി വക ഉപഹാരം ഭാരവാഹികൾ അബ്ബാസ് ബാവപ്പടിക്ക് സമ്മാനിച്ചു. അബ്ബാസ് ബാവപ്പടി മറുപടി പ്രസംഗം നടത്തി. മജീദ് കാട്ടിപ്പരുത്തി സ്വാഗതവും മുസ്തഫ കാവുംപുറം നന്ദിയും പറഞ്ഞു.