വെളിയങ്കോട്: സ്വാതന്ത്ര്യസമര സേനാനിയും സൂഫിവര്യനുമായിരുന്ന വെളിയങ്കോട് ഉമര്‍ ഖാസി 12-ാമത് കുടുംബ സംഗമവും ചരിത്രസെമിനാറും മെയ് ഒന്നിന് വെളിയങ്കോട് ചെറളായി തറവാട്ടില്‍ നടക്കും. എം.ടി മൊയ്തുട്ടി ഹാജി ചെയര്‍മാനായും കളത്തിപറമ്പില്‍ റഷീദ് കണ്‍വീനറായും 101 അംഗ സ്വാഗതസംഘം രൂപീകരിച്ചു.
സ്പീക്കര്‍ ശ്രീരാമകൃഷ്ണന്‍, പി.കെ അബ്ദുറബ്ബ് എം.എല്‍.എ, മുന്‍ എം.പി സി. ഹരിദാസ് എന്നിവര്‍ പങ്കെടുക്കും. യോഗത്തില്‍ ഒ.ടി മുഹ്‌യുദ്ദീന്‍ മൗലവി അധ്യക്ഷനായി. എം.ടി മൊയ്തുട്ടി ഹാജി, റസാഖ് കൂടല്ലൂര്‍, റഷീദ് കളത്തില്‍പറമ്പില്‍, നാസര്‍ കുമ്മിലവളപ്പ്, മൊയ്തുട്ടി ചെറലായല്‍, ഹുസൈന്‍ തിരുവനന്തപുരം സംസാരിച്ചു.