കണ്ണൂര്‍: കണ്ണൂര്‍ ഗവ. സിറ്റി ഹയര്‍സെക്കന്‍ഡറി സ്‌കൂളില്‍ സംഘടിപ്പിക്കുന്ന പൂര്‍വവിദ്യാര്‍ഥി സംഗമമായ ഓര്‍മിക്കാന്‍ ഒരുമിക്കാം 30നു നടക്കും.
രാവിലെ 10ന് അനുഭവ സാക്ഷ്യം സ്വാഗതസംഘം രക്ഷാധികാരി അഷ്‌റഫ് ബംഗാളിമുഹല്ല ഉദ്ഘാടനം ചെയ്യും. നിസാര്‍ സൂപ്പിയാറകത്ത് അധ്യക്ഷനാവും. ഉച്ചകഴിഞ്ഞു മൂന്നിന് സാംസ്‌കാരിക സമ്മേളനവും കലാപരിപാടികളും മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. എം അഫ്‌സല്‍ അധ്യക്ഷനാവും. സ്‌കൂളില്‍ പുതുതായി നിര്‍മിച്ച ഇംഗ്ലീഷ് ലാബ് മേയര്‍ ഇ.പി ലത ഉദ്ഘാടനം ചെയ്യും. ചടങ്ങില്‍ ഗുരുവനന്ദനവും വിദ്യാര്‍ഥികള്‍ക്കുള്ള ഉപഹാരസമര്‍പ്പണവും നടത്തും. സംഘാടകരായ പി.
കെ മൂസ, ടി.എം അബ്ദുല്‍റഷീദ്, പി.
കെ സാഹിര്‍, എം.എസ് ഉമ്മര്‍, എസ് നിസാര്‍ വാര്‍ത്താസമ്മേളനത്തില്‍ പങ്കെടുത്തു.