കോഴിക്കോട്: അത്യന്തം അപകടകരമായ രാഷ്ട്രീയ സാഹചര്യത്തിലാണ് ഇത്തവണ ലോക്‌സഭാ തെരഞ്ഞെടുപ്പ് നടക്കുന്നതെന്ന് മുന്‍ മുഖ്യമന്ത്രി വി.എസ് അച്യുതാനന്ദന്‍.
മാത്തോട്ടത്ത് കോഴിക്കോട് ലോക്‌സഭ മണ്ഡലം എല്‍.ഡി.എഫ് സ്ഥാനാര്‍ഥി എ. പ്രദീപ്കുമാറിന്റെ തെരഞ്ഞെടുപ്പ് റാലി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.രാജ്യത്തിന്റെ മതനിരപേക്ഷത തകര്‍ത്ത് വര്‍ഗീയ കലാപങ്ങള്‍ക്ക് കോപ്പു കൂട്ടുകയാണ് ബി.ജെ.പി. പ്രധാനമന്ത്രി ഹിന്ദുക്കളെ മാത്രം അഭിസംബോധന ചെയ്ത് ഹിന്ദുക്കളെ ഇളക്കിവിടുന്ന പ്രസംഗമാണ് നടത്തുന്നത്. ഇന്ത്യന്‍ ഭരണഘടനയെയും ദേശീയ പതാകയെയും ദേശീയ ഗാനത്തെയും തള്ളിപ്പറഞ്ഞ ആര്‍.എസ്.എസിന് ബ്രിട്ടീഷ് ഭരണകൂടത്തിന്റെ ചെരിപ്പു നക്കിയ ചരിത്രമേ അവകാശപ്പെടാനുള്ളൂവെന്നും അദ്ദേഹം പറഞ്ഞു.