കരൂപ്പടന്ന: വെള്ളാങ്ങല്ലുര്‍ ബ്ലോക്ക് പഞ്ചായത്തിന്റെ പ്രത്യേക പദ്ധതിയായി കരൂപ്പടന്ന ഗവ. ഹയര്‍ സെക്കന്‍ഡറി സ്‌കൂളില്‍ നടപ്പാക്കുന്ന '6അ ക്ലാസ് പദ്ധതി' യുടെ ഭാഗമായി വിദ്യാര്‍ഥികള്‍ ഇരിങ്ങാലക്കുട ജനമൈത്രി പൊലിസ് സ്‌റ്റേഷന്‍ സന്ദര്‍ശിച്ചു.
വെള്ളാങ്ങല്ലുര്‍ ബ്ലോക്ക് പഞ്ചായത്ത് അംഗം പ്രീതി സുരേഷ്, പി.ടി.എ പ്രസിഡന്റ് ഷൈല സഹീര്‍, അധ്യാപകരായ ടി.വി മനോജ്, കെ.എന്‍ ലിജി, നിഷിദ, സുബിത, രക്ഷിതാക്കള്‍ എന്നിവര്‍ക്ക് ഒപ്പമാണ് വിദ്യാര്‍ഥികള്‍ പൊലിസ് സ്റ്റേഷന്‍, സി.ഐ ഓഫിസ്, വനിതാ പൊലിസ് സ്റ്റേഷന്‍ സന്ദര്‍ശിച്ചത്.എസ്.ഐ തോമസ് നിയമപാലക ദൗത്യത്തെ കുറിച്ചും 24മണിക്കൂറും ലഭ്യമാകുന്ന പൊലിസ് സേവനങ്ങളെ കുറിച്ചും വിശദീകരിച്ചു. വിദ്യാര്‍ഥികള്‍ക്കും അധ്യാപകര്‍ക്കും രക്ഷിതാക്കള്‍ക്കും ഇതു വേറിട്ട അനുഭവമായി.