കൊച്ചി: മലയാള ചലച്ചിത്ര നടന്‍ അനില്‍ മുരളി (56)അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. കരള്‍ സംബന്ധമായ അസുഖത്തെത്തുടര്‍ന്ന് ചികിത്സയിലായിരുന്നു.
വില്ലന്‍ കഥാപാത്രങ്ങളിലൂടെ ശ്രദ്ധേയനായ ഇദ്ദേഹം ഇരുനൂറിലധികം സിനിമകളില്‍ അഭിനയിച്ചിട്ടുണ്ട്. 
ചാന്ത്പൊട്ട്, ക്ലാസ്മേറ്റ്, മഹാസമുദ്രം, നസ്രാണി, ഹീറോ തുടങ്ങി ഒട്ടേറെ ചിത്രങ്ങളില്‍ സൂപ്പര്‍സ്റ്റാറുകളുടെയും പുതുമുഖങ്ങളുടെയുമെല്ലാം വില്ലനായി അഭിനയിച്ച അനില്‍ മുരളി തമിഴിലും അഭിനയിച്ചിട്ടുണ്ട്.
ചാന്ത്പൊട്ട് എന്ന ചിത്രത്തില്‍ അവതരിപ്പിച്ച വില്ലന്‍ കഥാപാത്രവും ആമേന്‍ എന്ന ചിത്രത്തിലെ വില്ലന്‍വേശവും ഏറെ ശ്രദ്ധിക്കപ്പെട്ടിരുന്നു.