HOME
DETAILS

കൊയ്തുവച്ച നാലര ടണ്‍ നെല്ലിന് തീപിടിച്ചു

  
backup
April 14 2019 | 07:04 AM

%e0%b4%95%e0%b5%8a%e0%b4%af%e0%b5%8d%e0%b4%a4%e0%b5%81%e0%b4%b5%e0%b4%9a%e0%b5%8d%e0%b4%9a-%e0%b4%a8%e0%b4%be%e0%b4%b2%e0%b4%b0-%e0%b4%9f%e0%b4%a3%e0%b5%8d%e2%80%8d-%e0%b4%a8%e0%b5%86%e0%b4%b2

മാഞ്ഞൂര്‍: പാടത്ത് കൊയ്ത്ത് കഴിഞ്ഞ് ചാക്കില്‍ കെട്ടിവെച്ച നാലര ടണ്‍ നെല്ല് കത്തിനശിച്ചു. ഫയര്‍ഫോഴ്‌സും നാട്ടുകാരും ചേര്‍ന്ന് തീയണച്ചതിനാല്‍ നെല്ല് പൂര്‍ണമായും നശിച്ചില്ല.
മാഞ്ഞൂര്‍ സൗത്തില്‍ പടച്ചകരി പാടശേഖരത്താണ് നെല്ല് കത്തിനശിച്ചത്. ഇന്നലെ ഉച്ചകഴിഞ്ഞ് 1.30 നാണ് സംഭവം. മാഞ്ഞൂര്‍ മീത്തിപ്പറമ്പില്‍ കുട്ടപ്പന്റ പാടത്ത് കൊയ്ത്ത് കഴിഞ്ഞ് ചാക്കില്‍ നിറച്ച് വച്ച ഒന്നര ഏക്കറിലെ നെല്ലാണ് കത്തി നശിച്ചത്. ഇന്ന് ലോഡ് കയറ്റാനിരുന്നതാണ്.
ആരോ അലക്ഷ്യമായി വലിച്ചെറിഞ്ഞ ബീഡി കുറ്റിയില്‍ നിന്നും തീ പടര്‍ന്ന് പിടിക്കുകയായിരുന്നു. ആളിക്കത്തിയ തീ അണയ്ക്കാന്‍ നാട്ടുകാര്‍ ശ്രമിച്ചെങ്കിലും കഴിഞ്ഞില്ല. തുടര്‍ന്ന് കടുത്തുരുത്തിയില്‍ നിന്നും ഫയര്‍ഫോഴ്‌സെത്തിയാണ് തീയണച്ചത്.ഒന്നര ലക്ഷം രൂപ നഷ്ടം കണക്കാക്കുന്നു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."