ന്യൂഡല്‍ഹി :കൊവിഡ് വ്യാപനത്തെ തുടര്‍ന്ന് അന്താരാഷ്ട്ര വിമാന സര്‍വ്വീസുകള്‍ക്ക് ഏര്‍പ്പെടുത്തിയ വിലക്ക് തുടരും. ഈ മാസം 31 വരെ അന്താരാഷ്ട്ര വിമാന സര്‍വ്വീസുകള്‍ ഉണ്ടായിരിക്കില്ലെന്ന് വ്യോമയാന മന്ത്രാലയം അറിയിച്ചു. അതേ സമയം വിലക്ക് അന്താരാഷ്ട്ര കാര്‍ഗോ വിമാന സര്‍വ്വീസുകള്‍ക്ക് ബാധകമല്ലെന്നും മന്ത്രാലയം വ്യക്തമാക്കി.

കൊവിഡ് വ്യാപനം രൂക്ഷമായ സാഹചര്യത്തില്‍ നേരത്തെ ജൂലൈ 31 വരെ അന്താരാഷ്ട്ര സര്‍വീസുകള്‍ നിര്‍ത്തിവെച്ചിരുന്നു.

നിലവില്‍ വിവിധ കമ്പനികള്‍ ആഭ്യന്തര വിമാന സര്‍വീസുകള്‍ നടത്തുന്നുണ്ട്. ലോക്ഡൗണ്‍ നിയന്ത്രണങ്ങളില്‍ ഇളവ് അനുവദിച്ചതിനെത്തുടര്‍ന്ന് ഒരു മാസം മുമ്പാണ് ആഭ്യന്തര വിമാനങ്ങള്‍ സര്‍വീസ് പുനരാരംഭിച്ചത്.