ആറ്റിങ്ങല്‍: ബി.ജെ.പി സംസ്ഥാന പ്രസിഡന്റ് പി. ശ്രീധരന്‍പിള്ളയുടെ വര്‍ഗീയ പ്രസംഗത്തിനെതിരേ പ്രതിഷധം ശക്തമാകുന്നു. ശ്രീധരന്‍പിള്ള മതനിന്ദയ്ക്കും കലാപത്തിനും ശ്രമിച്ചതായി സി.പി.എം നേതാവ് വി. ശിവന്‍കുട്ടി വാര്‍ത്താ സമ്മേളനത്തില്‍ ആരോപിച്ചു. മതവൈരം ഉണ്ടാക്കി ജനങ്ങളെ തമ്മിലടിപ്പിച്ച് ഇതിനെ വോട്ടാക്കാനാണ് ശ്രീധരന്‍പിള്ള ശ്രമിക്കുന്നതെന്ന് അദ്ദേഹം പറഞ്ഞു. ഇത്തരത്തില്‍ സംസാരിച്ച ശ്രീധരന്‍ പിള്ളക്കെതിരേ സംസ്ഥാന തെരഞ്ഞെടുപ്പ് കമ്മിഷന് പരാതി നല്‍കിയതായും ശിവന്‍കുട്ടി പറഞ്ഞു.വാര്‍ത്താ സമ്മേളനത്തില്‍ വി. ശിവന്‍കുട്ടി ,ആനാവൂര്‍ നാഗപ്പന്‍, ആര്‍. രാമു പങ്കെടുത്തു.