കൊച്ചി: സപ്ലൈകോയ്ക്ക് പുതിയ ലോഗോ. ആലുവ പടിഞ്ഞാറെ കടുങ്ങല്ലൂര്‍ സ്വദേശി അപര്‍ണ മുരളീധരന്‍ വരച്ച ലോഗോയാണ് സപ്ലൈകോ തെരഞ്ഞെടുത്തത്. സംസ്ഥാനത്തു നിന്നും പുറത്തു നിന്നുമായി 549 ലോഗോകളാണ് മത്സരത്തിനെത്തിയത്. അതില്‍ നിന്ന് സപ്ലൈകോ മാനേജര്‍മാരടങ്ങിയ എട്ടംഗ സമിതി പത്ത് ലോഗോകള്‍ തെരഞ്ഞെടുത്തതില്‍ നിന്ന് ചെയര്‍മാന്റെ നേതൃത്വത്തിലുള്ള സമിതിയാണ് സപ്ലൈകോയ്ക്ക് അനുയോജ്യമായ ലോഗോ തീരുമാനിച്ചത്. ലോഗോ സപ്ലൈകോയുടെ ബോര്‍ഡ് അംഗീകരിച്ചു. വിജയിക്ക് 10,000രൂപയുടെ ചെക്കും സപ്ലൈകോ കിറ്റും നല്‍കും.